Alla Itolae Nusa 10

1

Meije Nu eni nanae Seme, Yapeta kai Hame esi anubuaru. Kena kwele lolo nusare pelare ruele kwete mokwaia etesi.

2

Yapeta eni nana kena Gomere, Magoke, Madai, Yawane, Tubale, Meseke kai Tirase.

3

Gomere eni nanae kena Askenase, Ripate kai Togarma.

4

Yawane eni anubu kena Elisa, Tarsise, tamata Kitime kai tamata Dodanime.

5

Sie meiju esi anubuaru esi rue larakesi kena meita leinu kai me nusaru. Yapeta eni anubuaru, sae eri rue kena erisi kota, tapele, erisi sou kai erisi luma matai.

6

Hame eni nana kena Kuse, Misraime, Pute kai Kanane.

7

Kuse eni anubu kena tamata Seba, Hawila, Sapta, Raema, kai Sapteka. Raema eni anubu kena Syeba kai Dedane.

8

Kuse eni nana kena Nimrote. Ile mere pine tamata rebe ikbasa memenai mei nusa.

9

TUHANE Itapai hoko iono tamata maka aklali rebe iktili kai rilai mo. Bei mere hoko tamata sae ibeteke loko sae be, “TUHANE Iono ale kena tamata maka aklali rebe ktiline kai rilamu mo, lupe Nimrote.”

10

Memenaije ikbasae kota Babele, Ereke kai Akate. Kota meru pusulu me tape Sineare.

11

Bei mere ikeu lori otoi Asure eleki ieleke kota Niniwe, Rehobot-Ire, Kala,

12

kai Resene, rebe eme kota Niniwe kai kota Kala esi tlelare. Kota mere kota elake.

13

Eleki Misraime eni anubua kena tamata Ludime, Anamime, Lehabime, Naptuhime,

14

Patrusime, Kasluhime kai Kaptorime. Tamata Pilistine esi rulu bei tamata Kasluhime.

15

Kanane eni nanae kena Sidone, ile kwete mena, kai Hete.

16

Kai Kanane lekwe eni anubua kena bangsa Yebusi, Amori kai Girgasi,

17

bangsa Hewi, Arki, Sini,

18

Arwadi, Semari kai bangsa Hamati. Bangsa Kananaru esi lei etika-etika neka,

19

eti esi tapele bei Sidone lopai Gerare roma Gasa, sa lolete, rulu lope Sodome, Gomora, Atma kai Seboime eti roma Lasa.

20

Mere Hame eni anubuaru. Papela bangsa kai suku esi rue kena erisi otoi kai erisi sou tetebike.

21

Yapeta eni kwalini mena kena Seme. Seme eni anubuaru kena tamata Ebere.

22

Seme eni anubu kena Elame, Asure, Arpaksate, Luta kai Arame.

23

Arame eni anubua kena tamata Use, Hule, Getere kai Mase.

24

Arpaksate eni nana kena Sela, Sela eni nana Ebere.

25

Eleki Ebere eni nana mokwaia lua. Menare eni nane Peleke le kena mere tamata mei nusare esi larake lomai. Kai kwalini eni nane Yoktane.

26

Yoktane eni anubu kena tamata Almodate, Selepe, Hasare-Mawete, kai Yera,

27

Hadorame, Usale, Dikla,

28

Obala, Abimaele, kai Syeba,

29

Opire, Hawila kai Yobape. Pususi meru Yoktane eni anubu.

30

Otoi rebe esi ruekele bei Mesa roma Separe, mere kena ulata me sapaleuke lemataije sare.

31

Mere Seme eni anubuaru. Papela bangsa kai suku esi rue kena erisi otoi kai erisi sou tetebike.

32

Pusue meru Nu eni anubuaru. Bangsa kena bangsa lulu esi rulu bei papelake esi ntuana menaru. Bei kwele elolo nusare pelare, sie meru pine esi lei kena pusue bangsa mei nusa meije.

alkitab.me